बरखा बेसाब

हुई गया सारा ठप काम काज,
बरखा लगी ऐड़ी बेसाब,
लोक लगाई ने टक टक्की,
लगे करने भगवाना ने,
अर्ज हूण जनाब।
पहले ई बरसाती दिते जख्म बेसाब,
हूण फेरी लगी गया औने ए सैलाब,
कई हुई गए घरां ते बेघर,
करी करां ए परमात्में ने हूण अरदास।
डंगै रूढ़ए रूड़ी गए सारे फॉट,
मालां डंगरां जो काह्ह डाली किता ते लौणी,
किता जो जाणा ऐड़ीया बरखा च चकी ने हाथा दराट।
परमातमया हूण सब्र कर,
हुई गई बरखा बहाउत बेसाब,
सबी जीव जंतुआं री रक्षा कर,
ताई बंडना लोकां तेरे नावां रा प्रसाद।