भीम सिंह, गांव देहरा हटवाड़, जिला बिलासपुर, हिमाचल प्रदेश।
बरसा रा त्वार लोहड़ी
मूंगफली बन्डा रयोड़ी
तू घरा छुट्टी आई जा
मेरे चंद परदेशिया-2
एनकलियां खयौन्गी तिजो
खिचड़ी बी खयौन्गी
तिलचवौली सारे मेवे पाईने बनांगी
तू घरा छुट्टी आई जा
मेरे चंद परदेशिया-2
बरसा रा त्वार लोहड़ी
मूंगफली बन्डा रयोडी
तू घरा छुट्टी आई जा
मेरे चंद परदेशिया-2
राती गीठठे पैरने
नचणा ते गाणा
लोहड़िया रा त्वार असां
मिलीजुली मनांणा
तू घरा छुट्टी आई जा
मेरे चंद परदेशिया-2
बरसा रा त्वार लोहड़ी
मूंगफली बन्डा रयोड़ी
तू घरा छुट्टी आई जा
मेरे चंद परदेशिया -2
सुरजा फेरा हुण
उतरा खा लाणा
मौसम हुई जाणा
बदिया सुहाणा
तू घरा छुट्टी आई जा
मेरे चंद परदेशिया-2
बरसा रा त्वार लोहड़ी
मूंगफली बन्डा रयोड़ी
तू घरा छुट्टी आई जा
मेरे चंद परदेशिया-2